Cefnogi rhaglenni SSIE/SIY
Mae'n rhaglen SSIE/SIY yn bwriadu cryfhau'r cymorth sydd ar gael i oedolion a phlant o gymunedau lleiafrifol ieithyddol mewn ymateb i astudiaeth gwmpasu SSIE/SIY, SIY ac SSIE yng Nghymru, a gomisiynwyd ym mis Hydref 2002.

Hyfforddiant Athrawon ar gyfer Athrawon Sgiliau Sylfaenol yn y sectorau ôl-16
Prif nod y rhaglen Hyfforddi Athrawon yng Nghymru yw cryfhau ansawdd addysgu sgiliau sylfaenol yn y sector ôl-16 a sicrhau bod gan y darparwyr allu digonol i gefnogi gwelliannau sylweddol mewn lefelau sgiliau sylfaenol yng Nghymru.

Llythrennedd Ariannol ac Addysg Defnyddwyr
Nod y fenter llythrennedd ariannol ac addysg defnyddwyr yw defnyddio'r cyd-detun hwn fel modd o ddenu grwp ehangach o ddysgwyr i wella'u sgiliau sylfaenol. Mae trafodaethau gyda chydweithwyr yn y sector addysg bellach, amaethyddiaeth a sefydliadau gwirfoddol a chymunedol yn nodi bod gallu ariannol a defnyddwyr nid yn unig yn faes pryder cynyddol, ond mae hefyd yn gyd-destun sy'n denu ystod eang o ddysgwyr gan gynnwys rhai grwpiau oedran sy'n anodd eu cyrraedd.

Prosiect Cefnogaeth Cenedalethol ar gyfer Marc Safon Ôl 16
Nod y PCC yw:
"darparu cyngor a chefnogaeth i sefydliadau sy'n darparu hyfforddiant sgiliau sylfaenol i oedlion er mwyn diwallu meini prawf y Marc Safon Ôl 16 ac ennill neu adnewyddu'r Marc safon".

Prosiect Cefnogaeth Cenedlaethol ar gyfer Sgiliau Sylfaenol mewn Colegau Addysg Bellach

Prosiect Cefnogaeth Cenedlaethol ar gyfer Sgiliau Syfaenol mewn Sefydliadau Hyfforddi
Nod y PCC yw:
"gwella gallu sefydliadau hyfforddi i ddarparu addysg effeithiol ac o safon yn y sgiliau sylfaenol sy'n berthnasol i'r cyd-destun galwedigaethol y mae'r darparwr yn gweithredu ynddo."

Rhaglenni Teulu a KUWC
Mae Rhaglenni Teulu yn cynnwys rhaglenni a gweithdai sy'n cael eu cynnal ym mhob Awdurdod Addysg Lleol i helpu rhieni i wella'u sgiliau sylfaenol eu hunain a'u hannog yn ôl i ddysgu wrth helpu eu plant.

Sgiliau Sylfaenol - Adduned Cyflogwyr
Datblygwyd Sgiliau Sylfaenol - Adduned Cyflogwyr fel rhan o'r Strategaeth Genedlaethol i ostwng y nifer sylweddol o oedolion yng Nghymru â sgiliau llythrennedd a rhifedd gwael. Mae wedi'i anelu at bob cwmni a sefydliad yn y sector preifat a chyhoeddus, beth bynnag eu maint. Mae'n caniatau i gwmniau a sefydliadau ddangos eu hymrwymiad i'r Strategaeth Genedlaethol mewn dull pendant.

Y Cwrs Triphlyg
Bwriad y Cwrs Triphlyg yw paratoi pobl ifanc ac oedolion ar gyfer cymhwyster Lefel 1 mewn llythrennedd, rhifedd a T.G. Ysgrifennwyd y Cwrs i ymdrin â'r holl sgiliau, gwybodaeth a dealltwriaeth sydd eu hangen ar y lefel hon. Caiff ei anelu at ddysgwyr sydd ar frig Mynediad 3 neu ar ben isaf Lefel 1.