Ynglyn â'r Strategaeth

Ar 22 Ebrill 2005 cyhoeddod Jane Davidson, y Gweinidog dros Addysg a Dysgu Gydol Oes y bydd £40 miliwn ar gael dros y tair blynedd nesaf i gefnogi gweithgareddau a amlinellir yn Geiriau’n Galw - Rhifau’n Cyfri, ail gam y Strategaeth Sgiliau Sylfaenol Genedlaethol i Gymru sy’n darparu ar gyfer pob oedran.

Yn dilyn hyn, bydd yr Asiantaeth Sgiliau Sylfaenol a Llywodraeth y Cynulliad yn cytuno ar gynllun gweithredu ar gyfer y tair blynedd nesaf. Ni chytunwyd ar y manylion eto ond bydd y Strategaeth yn adeiladu ar fentrau a fu’n llwyddiannus yn ystod y cam cyntaf.  Bydd y Strategaeth yn parhau i weithredu ar draws yr ystod lawn o oedrannau ac ym mhob sector. Caiff manylion Cynllun Cyflwyno 2005-2006 eu postio cyn gynted ag y byddant yn cael eu cytuno.

Mae'r Asiantaeth Sgiliau Sylfaenol wedi bod yn gyfrifol am oruchwylio'r Strategaeth Genedlaethol ar gyfer Sgiliau Sylfaenol yng Nghymru ers 2001. Er bod pethau wedi symud yn eu blaenau'n aruthrol yn y blynyddoedd diwethaf, mae gennym o hyd broblem sgiliau sylfaenol fawr yng Nghymru. Mae'r ddogfen hon yn nodi'r mesurau a gyflwynwyd rhwng 2001 a 2005 i gefnogi camau i fynd i'r afael â'r diffyg sgiliau sylfaenol yng Nghymru.