Llythrennedd Ariannol

Nod allweddol y Strategaeth Genedlaethol Sgiliau Sylfaenol i Gymru yw gwella sgiliau llythrenned a rhifedd pobl Cymru. Nod y Prosiect Llythrennedd Ariannol yw defnyddio llythrennedd ariannol fel cyd-destun ar gyfer gwella'r sgiliau llythrennedd a rhifedd hyn, yn ogystal a gwella galluoedd ariannol. Mae Llythrennedd Ariannol yn gyd-destun ystyrlon a pherthnasol i bobl o bob oed.

Ein hamcan allweddol yw codi lefelau llythrennedd a rhifedd yng Nghymru drwy llythrennedd ariannol ac yn unol a strategaeth Geiriau'n Galw - Rhifau'n Cyfri Llywodraeth Cynulliad Cymru.

Rydym yn diffinio llythrennedd ariannol fel:

'gallu defnyddio barn hyddysg i wneud penderfyniadau effeithiol o ran defnyddio arian a'i reoli'

Delivering Skills for Life, a gyhoeddwyd gan yr Adran Addysg a Sgiliau

Cronfa ddata ar-lein o gysylltiadau

Rydym wrthi'n datblygu cronfa ddata o ymarferwyr/sefydliadau yng Nghymru sy'n cyflwyno llythrennedd ariannol neu sy'n dymuno gwneud hynny. Bydd y gronfa ddata ar gael drwy’r wefan, a'i nod fydd annog gwaith partneriaeth a hwyluso'r broses o rannu gwybodaeth rhwng unigolion a sefydliadau o fewn ac ar draws sectorau a rhanbarthau.

Os hoffech ychwanegu eich manylion at y gronfa ddata, a fyddech cystal â llenwi a dychwelyd y ffurflen gofrestru i rachel.tranter@wales.gsi.gov.uk